आईचा खून करणारा आरोपी जेरबंद | Sakal
sakal

बोलून बातमी शोधा

आईचा खून करणारा आरोपी जेरबंद
आईचा खून करणारा आरोपी जेरबंद

आईचा खून करणारा आरोपी जेरबंद

sakal_logo
By

वालचंदनगर, ता. ५ : काझड (ता. इंदापूर) येथे आईचा खून करून वडिलांना जीवे मारण्याचा प्रयत्न करणाऱ्या अमित पांडुरंग नरुटे (वय ३१) या आरोपीला वालचंदनगर पोलिसांनी सापळा रचून पुण्याजवळील खडकी रेल्वे स्टेशनवर अटक केली.
अमित याने रविवारी (ता. २) पहाटे १ च्या सुमारास आई अलका पांडुरंग नरुटे (वय ५५) यांचा डोक्यात व अंगावर लोखंडी कोयत्याने सपासप वार करून खून केला होता. तसेच, वडील पांडुरंग बाबूराव नरुटे (वय ६०) यांच्यावर कोयत्याने जीवघेणा हल्ला केला होता. त्यानंतर तो पसार झाला. तो मुंबई व ठाण्यामध्ये गेला होता. तो चेन्नई एक्स्प्रेसने गुलबर्ग्याकडे निघाल्याची माहिती पोलिसांना मिळाली. त्यानुसार स्थानिक गुन्हे अन्वेषण पथकातील पोलिस व वालचंदनगर पोलिस अमित याच्यावर पाळत ठेवून होते. पोलिसांनी चेन्नई एक्स्प्रेस थांबणाऱ्या सर्व रेल्वे स्टेशनवर सापळे रचले होते. दुपारी चार वाजण्याच्या सुमारास पुण्याजवळील खडकी रेल्वे स्टेशन येताच पोलिसांनी त्याला अटक केली.
जिल्हा पोलिस अधिक्षक डॉ. अभिनव देशमुख, अतिरिक्त पोलिस अधिक्षक मिलिंद मोहिते, उपविभागीय पोलिस अधिकारी गणेश इंगळे यांच्या मार्गदर्शनाखाली वालचंदनगर पोलिस ठाण्याचे सहायक पोलिस निरीक्षक बिरप्पा लातुरे, पोलिस उपनिरीक्षक अतुल खंदारे, नितीन लकडे, सहायक फौजदार शिवाजी निकम, रवींद्र पाटमास, मोहन ठोंबरे, उत्तम खाडे, अमोल चितकोटे, शैलेश स्वामी, किसन बेलदार यांनी या कारवाईसाठी परिश्रम केले.

३ वर्षांची मुलगी सुखरूप
अमित नरुटे हा आईचा खून केल्यानंतर स्वतःची तीन वर्षाची मुलगी अदिरा हिला कर्नाटक राज्यातील गुलबर्गा येथील बालसंगोपन केंद्रामध्ये ठेवून ठाण्याला गेला होता. बुधवारी तो पुन्हा मुलीकडे गुलबर्ग्याला निघाला होता. त्याला अटक केल्यानंतर पोलिसांना अदिरा हिची माहिती मिळाली. त्यानंतर वालचंदनगर पोलिस ठाण्याचे पोलिस उपनिरीक्षक नितीन लकडे तातडीने गुलबर्ग्याकडे रवाना झाले असून, मुलगी सुखरूप असल्याची माहिती मिळाली.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top