आपटीत साकारणार शिवरायांचे मंदिर

भोर, ता. ४ : हिर्डोशी आपटी (ता.भोर) येथे छत्रपती शिवाजी महाराज यांचे तालुक्यातील पहिले मंदिर उभारण्यात येणार आहे. त्याचे भूमिपूजन आमदार संग्राम थोपटे यांच्या हस्ते नुकतेच करण्यात आले. आध्यात्मिक ज्ञानमंत्र वारकरी शिक्षण संस्थेने मंदिर उभारण्यासाठी पुढाकार घेतला आहे.

वारकरी शिक्षण संस्थेच्या प्रथम वर्धापनदिनानिमित्त आमदार थोपटे व नामदेव महाराज किंद्रे यांच्या हस्ते मंदिराचे भूमिपूजन करण्यात आले. मंदिरास थोपटे यांनी १ लाख आणि भीमाजी परखंदे यांनी ५० हजार रुपयांची देणगी दिली तर सुभाष पारठे यांनी रोख रक्कमेसह पाण्याची टाकी दिली. याशिवाय पांडुरंग धोंडे, बाजीराव तुपे, पप्पू शेटे, राहुल कंक यांनीही प्रत्येकी ५ हजार रुपयांची देणगी दिली. यावेळी आध्यात्मिक वारकरी शिक्षण संस्थेच्या दिनदर्शिकेचे प्रकाशन करण्यात आले. यावेळी माऊली महाराज पठाडे यांचे कीर्तन झाले.

यावेळी संस्थेचे संस्थापक-अध्यक्ष राहुल पारठे, इतिहास संशोधक दत्ताजी नलावडे, कुलदीप कोडे, विठ्ठल आवाळे, रवींद्र कंक, युवराज जेधे, इंद्रजित घोरपडे, आनंदा आंबवले, अमरसिंग जाधवराव, मारुती गोळे, कुणाल मालुसरे, महेश शेटे, अप्पा मळेकर, बाळासाहेब सणस, अमित गाडे, हनुमंत कंक, करण बांदल, नारायण पारठे, लक्ष्मण पारठे आदींसह रायरेश्वर युवा प्रतिष्ठान, सह्याद्री प्रतिष्ठान, छावा प्रतिष्ठान व मावळा प्रतिष्ठानचे सदस्य उपस्थित होते.

देणगी, शिवप्रेमींच्या सहकार्ऱ्याने उभारणार मंदिर
मंदिराचा चौथरा अष्टकोनी असून त्यासाठी सुमारे ३५ लाख खर्च अपेक्षीत आहे. यासाठीचा निधी हा आध्यात्मिक ज्ञानमंत्र वारकरी शिक्षण संस्था, दानशूर व्यक्तींच्या देणगीतून आणि शिवप्रेमींच्या सहकार्याने उभारण्यात येणार असल्याचे मंदिराचे संकल्पक लक्ष्मण पारठे यांनी सांगितले.

32766