जातिवाचक शिविगाळप्रकरणी इंदापूरमधील दोघांना कारावास | Sakal
sakal

बोलून बातमी शोधा

Court
जातिवाचक शिविगाळप्रकरणी इंदापूरमधील दोघांना कारावास

जातिवाचक शिविगाळप्रकरणी इंदापूरमधील दोघांना कारावास

बारामती : जातिवाचक शिवीगाळ व दमदाटी केल्याच्या खटल्यात येथील जिल्हा न्यायाधीश एस. टी. भालेराव (District Judge S. T. Bhalerao)यांनी दोघांना तीन वर्षे कारावासाची शिक्षा व १४ हजारांचा दंड ठोठावला. बापूराव रघुनाथ तनपुरे व राजेंद्र रघुनाथ तनपुरे (रा. उदमाईवाडी, ता. इंदापूर) या दोघांना ही शिक्षा ठोठावली आहे. हा खटला सन २०१६ मध्ये दाखल केला होता.

हेही वाचा: आपल्याला ओमिक्रॉनचा संसर्ग झाला तर नक्की काय करायला हवे जाणून घ्या..

उदमाईवाडी येथे गुरांच्या गोठ्यातील स्वच्छतागृहाचे पाणी सार्वजनिक पाटात सोडण्यात आले होते. हे पाणी का सोडले, याची विचारणा या प्रकरणातील फिर्यादी महिलेने या दोघांकडे केली होती. त्यावरून फिर्यादीसह तिच्या दिराला या दोघांनी सार्वजनिक ठिकाणी जातिवाचक शिवीगाळ, दमदाटी केली होती. या प्रकरणी संबंधित महिलेने वालचंदनगर पोलिस ठाण्यात फिर्याद दाखल केली होती. तत्कालीन उपविभागीय पोलिस अधिकारी बापू बांगर यांनी या प्रकरणी तपास करत आरोपींविरोधात न्यायालयात दोषारोपपत्र दाखल केले होते.(racial slur case in indapur)

हेही वाचा: बलात्काराचा आरोप असलेल्या सावत्र वडिलांना सत्र न्यायालयाने नाकारला जामीन, जाणून घ्या नक्की काय आहे प्रकार

या खटल्यात सरकार पक्षातर्फे विशेष सरकारी वकील डी. एस. शिंगाडे यांनी चार साक्षीदार तपासले. त्यांनी केलेला युक्तिवाद ग्राह्य धरून न्यायालयाने दोघांना शिक्षा सुनावली. यात बापूराव यांना तीन वर्षे कारावासाच्या शिक्षेसह नऊ हजार रुपये दंड; तर राजेंद्र यांना तीन वर्षे कारावासाच्या शिक्षेसह पाच हजार रुपये दंड केला. या खटल्यात सरकार पक्षाला वालचंदनगरचे सहायक फौजदार डी. एस. जगताप, एन. ए. नलवडे यांनी मदत केली.(Pune news)

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top