भोरच्या शिवाजी विद्यालयात अटल टिंकरींग लॅब | Lab | Sakal
sakal

बोलून बातमी शोधा

Shri Chhatrapati Shivaji College Bhor
भोरच्या शिवाजी विद्यालयात अटल टिंकरींग लॅब

भोरच्या शिवाजी विद्यालयात अटल टिंकरींग लॅब

भोर : येथील श्री स्वामी विवेकानंद शिक्षण संस्थेच्या छत्रपती शिवाजी विद्यालयात (Shri Chhatrapati Shivaji College Bhor) केंद्र शासनाच्या वतीने अटल टिंकरींग लॅब सुरु करण्यात आली. स्वामी विवेकानंद शिक्षण संस्थेचे कार्याध्यक्ष प्राचार्य अभयकुमार साळुंके यांच्या हस्ते या लॅबचे (Lab) उद्‍घाटन करण्यात आले.
देशातील मुलांना निओटेरिक इनोव्हेटर्स म्हणून विकसित करण्याच्या दृष्टिकोनातून केंद्र शासनाकडून अटल इनोव्हेशन मिशन सुरु करण्यात आले आहे.

या मिशनअंतर्गत काही शाळांमध्ये अटल टिंकरींग लॅबोरेटरीज (ATLS) स्थापन केली जात आहे. भोरमधील शिवाजी विद्यालयाची निवड या लॅबसाठी करण्यात आली असून त्यासंबंधीची सर्व साधने व विज्ञान साहित्य शाळेस देण्यात आले आहे. आतापर्यंत या उपक्रमाअंतर्गत पुणे शहर आणि जिल्ह्यातील 69 शाळांमध्ये तर राज्यातील 995 शाळांमध्ये ही लॅब सुरु करण्यात आली आहे. यासंदर्भात प्रत्येक शाळेतील दोन विज्ञान शिक्षकांचे प्रशिक्षणही झाले आहे.

हेही वाचा: सार्वजनिक सुट्ट्या मूलभूत अधिकार नाही, सुट्ट्या कमी करण्याची वेळ - HC

मुलांच्या व तरुणांच्या मनात कुतूहल, सर्जनशीलता आणि कल्पनाशक्ती वाढवणे हा या उपक्रमाचा उद्देश आहे. याशिवाय डिझाइन मानसिकता, संगणकीय विचार, अनुकूल शिक्षण, भौतिक संगणक आदी कौशल्ये विकसित करण्यासाठी या उपक्रमाचा फायदा होणार आहे.
यावेळी स्वामी विवेकानंद शिक्षण संस्थेच्या अर्थ विभागाचे सहसचिव सीताराम गवळी, भोर नगरपालिकेचे माजी नगराध्यक्ष विठ्ठल शिंदे, मुख्याध्यापक बाळासाहेब वाघ, कनिष्ठ महाविद्यालय विभागाचे प्रमुख प्रा. संभाजी सरवदे आदींसह शिक्षक व विद्यार्थी उपस्थित होते.

विद्यार्थ्यांनी अटल टिंकरींग लॅबमधील वैज्ञानिक उपकरणांची व साधनांची माहिती दिली.
विद्यालयातील या अटल टिंकरींग लॅबमुळे विद्यार्थ्यांच्या मनात वैज्ञानिक वृत्ती जागृत होऊन भविष्यात त्यांना संशोधन क्षेत्रात संधी मिळेल असा विश्वास अभयकुमार साळुंके यांनी व्यक्त केला. यावेळी संस्थेच्या पुणे जिल्ह्यातील मुख्याध्यापक आणि भोर तालुक्यातील शाळांमधील शिक्षकांचे चिंतन शिबिर घेण्यात आले. सलीम शिकलगार व ज्योती दीक्षित यांनी कार्यक्रमाचे सूत्रसंचालन केले. तर सुनील थोपटे यांनी आभार मानले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Pune Newsbhor
loading image
go to top