crime
crimesakal

तक्रारदार महिलेसोबतच फौजदाराने जुळविले सूत

पत्नी व फौजदार यांच्यात काहीतरी वेगळेच सुरू असल्याचा संशय आल्यानंतर पतीने पोलिसात धाव घेतली.
Summary

पत्नी व फौजदार यांच्यात काहीतरी वेगळेच सुरू असल्याचा संशय आल्यानंतर पतीने पोलिसात धाव घेतली.

बारामती - कौटुंबिक वादानंतर पोलिसांकडे (Police) दाद मागण्यासाठी आलेल्या एका तक्रारदार (Complaint) महिलेशी (Women) फौजदाराने (Police Officer) संबंध प्रस्थापित केल्याचा आरोप करीत संबंधित फौजदारास सेवेतून बडतर्फ करण्याची मागणी संबंधित महिलेच्या पतीने पोलिस अधीक्षकांकडे केली आहे. याबाबत सध्या चौकशी प्रक्रीया सुरु असल्याचे पोलिस प्रशासनाने सांगितले.

या संदर्भात दाखल तक्रार अर्जामध्ये पतीने नमूद केले आहे की, पत्नी व नातेवाइकांमध्ये जून २०२१ मध्ये काही वाद निर्माण झाले होते. या प्रकरणाचा तपास संबंधित फौजदाराकडे होता. हा वाद तडजोडीने संपुष्टात आल्यानंतर संबंधित फौजदाराने पत्नीचा मोबाईल क्रमांक घेऊन त्यावरुन संभाषण सुरू केले. पत्नीला एमपीएससी करायचे होते, त्यासाठी सगळी मदत करण्याची ग्वाही फौजदाराने दिली. पुण्यातील एका नातेवाईकाच्या घरी संबंधित महिलेच्या निवासाचीही व्यवस्था त्यांनी केली.

पत्नी व फौजदार यांच्यात काहीतरी वेगळेच सुरू असल्याचा संशय आल्यानंतर पतीने पोलिसात धाव घेतली. त्यानंतर फौजदाराने पतीला फोनवरून हातपाय तोडायची धमकी देत, त्याच्या पत्नीला आपल्या व्यवसायात दहा टक्के भागीदार करून घेणार असल्याचे सांगितले. पत्नीने हातावर संबंधित फौजदाराच्या नावाचा टॅटूही काढल्याचा आरोप तक्रार अर्जात केला आहे.

crime
तू माझ्यासोबत राहशील का? म्हणत केला विनयभंग; आरोपीला ७२ तासांत शिक्षा

फौजदार असल्याने आपल्या जिवाला धोका असून, पोलिस या प्रकरणात आपल्याला दमदाटी करत असल्याचे नमूद केले आहे.

दरम्यान, या प्रकरणात तक्रार अर्ज प्राप्त झाला असून, चौकशी सुरू आहे, चौकशीनंतर पोलिस अधीक्षकांना याबाबतचा अहवाल सादर केला जाईल, अशी माहिती अतिरिक्त पोलिस अधीक्षक मिलिंद मोहिते यांनी दिली.

क्लिप व्हायरल

संबंधित फौजदार तक्रारदार पतीस फोनवरून हातपाय तोडण्याची धमकी देत असल्याची व पत्नीला दहा टक्के भागीदार करणार असल्याची क्लिप व्हायरल झाल्यानंतर खळबळ माजली आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com