भोरमध्ये १६६ जणांना कोरोना

भोर, ता. १२ ः शहर आणि तालुक्यात कोरोनाच्या रुग्णांचा आलेख वाढत असून १२ दिवसांमध्ये १६६ जण कोरोनाग्रस्त झाले आहेत. मंगळवारी (ता. ११) तालुक्यात एकाच दिवसात तब्बल ४४ रुग्ण आढळले तर बुधवारी (ता. १२) २७ रुग्ण आढळले आहेत. त्यामुळे प्रशासनाच्या चिंतेत वाढ झाली आहे.
भोर शहरात आणि नसरापूर गावात कोरोनाच्या रुग्णांची संख्या सर्वाधिक आहे. परंतु, तरीही नगरपालिका प्रशासन आणि पोलिस याकडे गांभिर्याने लक्ष देत नाही. नागरिक आणि प्रशासनाकडून कोरोनाच्या बाबतीत शासनाच्या नियमांचे काटेकोरपणे पालन केले जात नाही. १६६ पैकी १९ रुग्णांना उपचारानंतर घरी सोडण्यात आले असून उर्वरित १४७ जणांवर उपचार सुरु असल्याचे तालुका वैद्यकीय अधिकारी डॉ. सूर्यकांत कऱ्हाळे यांनी सांगितले.