वाल्ह्यात ‘नाथ साहेबांचं चांगभलं’चा गजर | Sakal
sakal

बोलून बातमी शोधा

वाल्ह्यात ‘नाथ साहेबांचं चांगभलं’चा गजर
वाल्ह्यात ‘नाथ साहेबांचं चांगभलं’चा गजर

वाल्ह्यात ‘नाथ साहेबांचं चांगभलं’चा गजर

sakal_logo
By

वाल्हे, ता. ३१ : सोमवती अमावस्येनिमित्त ‘नाथ साहेबांचं चांगभलं’च्या जयघोषात वाल्हे (ता. पुरंदर) येथील श्री भैरवनाथ, देवी जोगेश्वरी व श्रींच्या कावडीला वीर घोडेउड्डाण येथे कोरोनाच्या पार्श्वभूमीवर मोजक्या भाविकांच्या उपस्थितीत नीरा स्नान घालण्यात आले. यावेळी नदी परिसर भक्तीमय वातावरणात गजबजून गेला होता.
वाल्हे (ता. पुरंदर) येथे वर्षानुवर्षाची परंपरा जपत पारंपरिक ढोलांच्या तालावर उत्सवमूर्तींना पालखीत बसविण्यात आले. कोरोनाच्या पार्श्वभूमीवर मोजक्या भाविकांच्या उपस्थितीत गावांतर्गत पालखीची व श्रींच्या कावडीची पारंपरिक वाद्यांच्या तालावर मिरवणूक काढून ‘नाथ साहेबांचं चांगभलं’च्या जयघोषात पालखी नीरा नदीवरील घोडेउड्डाण येथे नेण्यात आली.
यावेळी प्रवीण भुजबळ, सागर भुजबळ, अरुण पवार, मंगेश कुंभार, प्रकाश कुंभार, संग्राम भुजबळ, निशांत भुजबळ, कुणाल भुजबळ, दिनेश कुंभार, उमेश भुजबळ, विकास भुजबळ आदींसह मानकरी, सालकरी तसेच ग्रामस्थांनी सहभागी होऊन उत्सवमूर्तींना जलाभिषेक घातला. स्नानानंतर ग्रामस्थांच्या उपस्थितीमध्ये समाजआरती करण्यात आली. साईराज आगलावे यांनी पौराहित्य केले. यावेळी मंदिरामध्ये धार्मिक कार्यक्रमांचे आयोजन करण्यात आले होते. त्यानंतर महाप्रसादाचा नैवेद्य घेऊन मंदिर प्रदक्षिणा घालण्यात आली. पालख्या पुन्हा गावाकडे मार्गस्थ झाल्या.

Web Title: Todays Latest District Marathi News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top