आंबेठाण सोसायटीच्या अध्यक्षपदी गीताबाई मांडेकर

आंबेठाण, ता. १० : आंबेठाण (ता. खेड) विकास सोसायटीच्या अध्यक्षपदी गीताबाई तात्याबा मांडेकर यांची बिनविरोध निवड झाली.
आंबेठाण, वराळे आणि बोरदरा अशी तीन गावांची मिळून ही विकास सोसायटी आहे. या सोसायटीचे अध्यक्ष संतोष बाबासाहेब मांडेकर यांनी राजीनामा दिल्याने ही निवडणूक घेण्यात आली. राजगुरुनगर येथील बाजार समितीच्या सभागृहात ही निवड करण्यात आली. अध्यक्षपदासाठी गीताबाई मांडेकर यांचा एकमेव अर्ज आल्याने त्यांची एकमुखाने बिनविरोध निवड जाहीर केली. यावेळी अशोक मांडेकर, दत्तात्रेय चव्हाण, दीपक मांडेकर, बबन घाटे, धोंडिभाऊ पडवळ, मोहन पडवळ, गणेश आंद्रे, मिथुन चव्हाण, लक्ष्मण बुट्टे पाटील हे संचालक उपस्थित होते. निवडणूक निर्णय अधिकारी म्हणून एस. एम. बगाटे यांनी काम पाहिले. त्यांना सोसायटी सचिव सर्जेराव काळे यांनी मदत केली.
यावेळी माजी सरपंच दत्तात्रेय मांडेकर, सुभाष मांडेकर, गणेश मांडेकर, भानुदास बुट्टे पाटील, गोविंद घाटे, मोहन घाटे, शरद मांडेकर, रमेश मांडेकर, संतोष मांडेकर, संतोष बुट्टे पाटील, भाऊसाहेब लांडगे, साधना धुमाळ, शंकर मांडेकर, बाळासाहेब दवणे, कुलदीप पडवळ, जयसिंग चव्हाण, लक्ष्मण भालेराव आदी उपस्थित होते.