गोनवडीच्या उपसरपंचपदी ज्ञानेश्वर शिंदे

आंबेठाण, ता. १ : गोनवडी-पिंपरी खुर्द (ता. खेड) ग्रामपंचायतीच्या उपसरपंचपदी ज्ञानेश्वर शिंदे यांची बिनविरोध निवड करण्यात आली. जनाबाई मोहिते यांनी राजीनामा दिल्याने रिक्त पदासाठी निवडणूक घेण्यात आली. सरपंच सुवर्णा तनपुरे यांच्या अध्यक्षतेखाली गोनवडी येथील ग्रामपंचायतीच्या सभागृहात ही निवड प्रक्रिया पार पडली. यावेळी शिंदे यांचा एकमेव अर्ज आल्याने त्यांची बिनविरोध निवड झाल्याची घोषणा करण्यात आली. ग्रामपंचायत अधिकारी सारिका आगरकर यांनी प्रशासकीय कामकाज पाहिले. या प्रसंगी माजी सरपंच संदीप मोहिते, सचिन काळे, वैशाली काळे आदी उपस्थित होते.