करंजविहिरेत यशस्वी महिलांचा सन्मान

आंबेठाण, ता. ११ : भामाई महिला सक्षमीकरण अभियानाच्या माध्यमातून भामा खोऱ्यातील गरजवंत महिलांचा आधार देण्याचे काम केले जात आहे, ही निश्चितच कौतुकास्पद बाब आहे. गावपातळीवर विविध जबाबदाऱ्या सांभाळणाऱ्या महिलांना यातून सक्षम केले जात आहे, असे उद्‍गार पुणे जिल्हा परिषदेच्या माजी अध्यक्ष सविता दगडे यांनी करंजविहिरे (ता. खेड) येथे काढले.
भामाई महिला सक्षमीकरण अभियानाअंतर्गत भाम खोऱ्यातील विविध क्षेत्रात यशस्वी ठरलेल्या महिलांना नारी शक्ती सन्मान २०२५ देऊन सन्मानित केले, या वेळी त्या बोलत होत्या.
यावेळी भाम खोऱ्यातील सहाशे महिलांचा सन्मान केला. यामध्ये विविध गावच्या सरपंच, उपसरपंच, ग्रामपंचायत सदस्य, सोसायटीवर काम करणाऱ्या महिला, उद्योजिका, बचत गटासाठी काम करणाऱ्या महिला, नोकरदार महिला यांचा समावेश होता.
या वेळी जिल्हा परिषदेच्या माजी अध्यक्ष वैशाली आबणे, माजी सदस्या सुरेखा ठाकर, चांगदेव शिवेकर, खरेदी विक्री संघाचे उपाध्यक्ष दत्तात्रेय टेमगिरे, सुनील देवकर, सुनीता बुट्टेपाटील, श्रद्धा मांडेकर, धनश्री भोकसे, दत्तात्रेय मांडेकर, शरद निखाडे, रोहित डावरे, भरत रौधंळ, शिवाजी डावरे यांच्यासह विविध गावचे सरपंच आणि ग्रामपंचायत पदाधिकारी उपस्थित होते.
संगीता खंडागळे या आदिवासी महिलेने बिबट्याचा हल्ला परतवून लावला याबद्दल त्यांचा सन्मान केला. प्रास्ताविक माजी जिल्हा परिषद सदस्य शरद बुट्टेपाटील यांनी केले. रूपेश वाळके यांनी सूत्रसंचालन केले.