भामचंद्र डोंगर येथे महिला भजन स्पर्धा

आंबेठाण, ता. १५ : तीर्थक्षेत्र भामचंद्र डोंगर (ता. खेड) येथे झालेल्या महिलांसाठी संगीत भजन स्पर्धेत मावळ तालुक्यातील शिरगाव येथील रोकडोबा महिला भजन मंडळ आणि ताथवडे येथील स्वरांजली महिला भजन मंडळ यांनी संयुक्तपणे प्रथम क्रमांक पटकाविला. या भजन स्पर्धेत पिंपरी-चिंचवड, मावळ आणि खेड तालुक्यातील १३ महिला भजनी मंडळे सहभागी झाली होती.
या वेळी स्पर्धेचे परीक्षण संगीत विशारद प्रदीप मोहिते यांनी केले.
येथे पार पडलेल्या अखंड हरिनाम सप्ताहात बाळशीराम महाराज मिंडे, जनार्दन महाराज रजपूत, केशव महाराज उखळीकर, माऊली महाराज कदम, सोपान महाराज सानप, विशाल महाराज खोले, गुरुबाबा महाराज औसेकर आणि काल्याच्या दिवशी प्रकाश बाबा महाराज बोधले यांची कीर्तन सेवा पार पडली.
स्पर्धेचा निकाल पुढीलप्रमाणे :
प्रथम क्रमांक : रोकडोबा महिला भजन मंडळ (शिरगाव),
स्वरांजली महिला भजन मंडळ ( ताथवडे),
द्वितीय : राधाकृष्ण महिला भजन मंडळ (भोसरी),
संत भागीरथी महिला भजन मंडळ (येलवाडी),
तृतीय : जाखमाता महिला भजन मंडळ (शेलू),
कलाविष्कार महिला भजन मंडळ (शेलू),
चतुर्थ : मुक्ताई महिला भजन मंडळ (शेलू),
श्रीपती बाबा महिला भजन मंडळ (महाळुंगे इंगळे),
पंचम : भैरवनाथ महिला भजन मंडळ (भांबोली).