मांडवगण फराटा येथे दोन बिबट्यांचा संचार
मांडवगण फराटा, ता.३० : शिरूर तालुक्याच्या पूर्व भागात गेल्या काही दिवसांपासून नागरिकांना बिबट्याचे दर्शन झाले नव्हते. मात्र शुक्रवारी (ता.२७) सकाळी ७.३० वाजता मांडवगण फराटा येथील इनामदारवस्ती परिसरात मुक्तसंचार करणाऱ्या दोन बिबट्यांचे दर्शन झाले. यामुळे ग्रामस्थांमध्ये भीतीचे वातावरण आहे.
वनविभागाने त्वरित येथे पिंजरा बसवण्याची मागणी माजी पोलिस पाटील बाबासाहेब फराटे यांनी केली आहे. बाबासाहेब फराटे हे नेहमीप्रमाणे घराबाहेर फेरफटका मारत असताना घराच्या पाठीमागील बाजूस दोन बिबटे उसाच्या शेताजवळ मुक्तसंचार करत असल्याचे त्यांना दिसले. फराटे यांच्या सोबत असलेली कुत्री भुंकूनही बिबट्या पळाला नसल्याने ग्रामस्थांमध्ये दहशतीचे वातावरण आहे. यामुळे वनविभागाने या गोष्टीकडे गांभीर्याने पाहून त्वरित पिंजरे लावावेत, अशी मागणी फराटे यांनी केली आहे. दरम्यान, वनपरीक्षेत्र अधिकारी नीलकंठ गव्हाणे यांनी त्वरित पिंजरा लावण्याचे आश्‍वासन दिले आहे.
02225
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.