इनामगावात १०४ जणांचे रक्तदान

मांडवगण फराटा, ता. २० : इनामगाव (ता. शिरूर) येथे श्री सिद्धेश्वर ग्रामविकास प्रतिष्ठान, ग्रामस्थ व रोटरी क्लब राहुरी यांच्यावतीने बुधवारी (ता. १७) मोफत नेत्र तपासणी, रक्तदान शिबिर घेण्यात आले. शिबिरात एकूण १०४ रक्तदात्यांनी रक्तदान केले.
सरपंच अनुराधा घाडगे, माजी सरपंच पल्लवी घाटगे, शिवाजीराव नागवडे सहकारी साखर कारखान्याचे माजी संचालक विजय मोकाशी यांच्या हस्ते शिबिराचे उद्‍घाटन करण्यात आले. संकलित रक्ताचा उपयोग विविध रुग्णालयांतील गरजू रुग्णांसाठी करण्यात येणार असल्याची माहिती आयोजकांनी दिली. नेत्र तपासणी शिबिरात तज्ज्ञ डॉक्टरांनी आवश्यक त्या नागरिकांना अल्पदरात चष्मे उपलब्ध करून दिले. यावेळी वडगाव रासाईचे सरपंच सचिन शेलार, राजेंद्र गदादे, उपसरपंच गणेश लोणकर, रघुनाथ भालेराव, संजय घाटगे, प्रफुल्ल घाडगे, मंजुश्री मचाले, प्रज्वल मचाले, माऊली जगताप, बाळासाहेब वाबळे, दीपक जगताप, राजेंद्र बोत्रे, वर्षा नलवडे, सलीम शेख आदी उपस्थित होते.