वडगाव घेणंदमध्ये जुगाऱ्यांवर कारवाई

आळंदी, ता. १ : वडगाव घेणंद (ता. खेड) येथील एका मंदिरामागे घरामध्ये पत्त्यांचा जुगार खेळणाऱ्या सात जुगारींवर आळंदी पोलिसांनी कारवाई करून गुन्हा दाखल केला. यामध्ये तीन आरोपी शेलपिंपळगाव, तर चार आरोपी वडगाव घेणंद येथील आहेत.
निखिल देविदास बडले, विश्वनाथ गंगाराम शिंदे, सुरेश साहेबराव जाधव, गणेश फक्कड दौंडकर, बबन कोंडिबा घेणंद, त्र्यंबक ऊर्फ बाळासाहेब रघुनाथ बवले, परशुराम रामचंद्र दौंडकर, असे गुन्हा दाखल झालेल्यांचे नाव आहे.
ही घटना शुक्रवारी (ता. ३०) सायंकाळी सहाच्या सुमारास वडगाव घेणंद येथील नाथ महाराज मंदिराजवळ परशुराम दौंडकर यांच्या खोलीमध्ये घडली. यावेळी सर्व आरोपी पत्ते खेळत होते. पोलिसांना या छाप्यामध्ये ३४ हजार ५५० रुपयांचा नोटा आढळून आल्या.