आळंदीत २१ जणांनी घेतली अवयवदानाची शपथ

आळंदी, ता. १२ : राज्य शासनातर्फे ३ ते १५ ऑगस्ट दरम्यान अवयवदान जनजागृती पंधरवडा म्हणून साजरा करण्यात येत आहे. त्या निमित्ताने आळंदी ग्रामीण रुग्णालयात २१ जणांनी अवयव दानाची शपथ घेतली असल्याची माहिती आळंदी ग्रामीण रुग्णालयाच्या वैद्यकीय अधीक्षक डॉ. ऊर्मिला शिंदे यांनी दिली.
डॉ. ऊर्मिला शिंदे म्हणाल्या की, राज्य सरकारच्या आरोग्य विभागाकडून अवयवदान कार्यक्रमाबाबत सूचना दिल्या आहेत, त्यानुसार आळंदीमध्ये नागरिकांमध्ये जागृती करण्यात आली.विशेष करून तरुणांना याबाबत माहिती देऊन अवयवदानाची शपथ दिली. शहरातील २१ तरुणांनी यामध्ये सहभाग घेत अवयवदानाचा संकल्प केला. दरम्यान, या अवयवदानाबाबत पुन्हा एकदा १५ ऑगस्टला सार्वजनिक स्वरूपात शपथविधी होणार आहे. तसेच १५ ऑगस्टला सर्व अवयवदात्याचा जिल्हा, तालुकास्तरावर पालकमंत्री, आमदार यांच्या हस्ते सत्कार करण्यात येणार आहे.