रिक्षा चालकावर आळंदीत कारवाई

आळंदी, ता. २५ : वाहतुकीस अडथळा होईल अशा पद्धतीने सार्वजनिक ठिकाणी रस्त्यावर रिक्षा उभी केल्याच्या कारणावरून आळंदी पोलिसांनी एका रिक्षाचालकावर कारवाई करत गुन्हा दाखल केला आहे. बंटी सोमपाल चिंडलिया (वय ४२, रा. मरकळ, ता. खेड) असे गुन्हा दाखल केलेल्या रिक्षाचालकाचे नाव आहे. याबाबत पुनम अमित तापकीर या महिला पोलिस शिपायाने फिर्याद दिली आहे. मंगळवारी (ता. २३) सकाळी साडेदहा वाजण्याच्या सुमारास बस स्थानकाच्या ठिकाणी अरुंद पुलावर बेकायदा रिक्षा (क्र. एमएच १४ केयू ४३५५) उभी केली होती. त्यामुळे वाहतुकीस अडथळा होत होता. सार्वजनिक मार्गाहून जाणाऱ्या व्यक्तींना धोका उत्पन्न होईल, अशा पद्धतीने ही रिक्षा उभी असल्याने वाहतूक विभागाच्या पोलिसांनी कारवाई केली.