आळंदीतील शिबिराचा ६९५ नागरिकांना लाभ

आळंदी, ता. ३० : आळंदी (ता. खेड) येथील ग्रामीण रुग्णालयामध्ये सोमवारी (ता. २९) तिसरे आरोग्य शिबिर घेण्यात आले. केंद्र सरकारच्या स्वस्थ नारी सशक्त परिवार अभियानाअंतर्गत पार पडलेल्या अभियानात ६९५ नागरिकांनी लाभ घेतला. आरोग्य विभागाचे उपसंचालक डॉ. भगवान पवार आणि जिल्हा शल्य चिकित्सक डॉ. यमपल्ले, आळंदी ग्रामीण रुग्णालय वैद्यकीय अधीक्षक डॉ. ऊर्मिला शिंदे यांच्या मार्गदर्शनाखाली हे शिबिर पार पडले. यावेळी एकूण २६ रक्तदात्यांनी रक्तदान केले. या शिबिराचे उद्‍घाटन माजी नगराध्यक्षा वैजयंता उमरगेकर, तसेच आध्यात्मिक आघाडीचे पदाधिकारी संजय घुंडरे यांच्या हस्ते दीप प्रज्वलन करून करण्यात आले. यावेळी ॲड. आकाश जोशी उपस्थित होते.