हातभट्टी विक्रीप्रकरणी आळंदीत दोघांवर गुन्हा

आळंदी, ता. ६ : अवैधरीत्या हातभट्टी दारू जवळ बाळगून त्याची विक्री केल्याप्रकरणी हनुमानवाडी केळगाव (ता. खेड) येथील अजय वीर सिंग चव्हाण आणि धानोरे विकास वाडी येथील सिंकू पिंटू नट या दोघांवर आळंदी पोलिस ठाण्यामध्ये गुन्हा दाखल करण्यात आला आहे.
ही घटना बुधवारी (ता. ५) घडली. याबाबत नारायण धनाजी सूर्यवंशी आणि योगेश्वर औदुंबर कोळेकर या पोलिस कर्मचाऱ्यांनी फिर्याद दिली. आळंदी पोलिसांनी दिलेल्या माहितीनुसार, येथील ठाकरवाडीजवळ शिवछत्रपती कॉलनी येथील पत्र्याच्या शेडमध्ये चव्हाण हातभट्टीची तयार दारू विक्री करत होता. त्याच्याकडे सुमारे ४९०० किमतीची ४९ लिटर हातभट्टी दारू आढळली. दुसऱ्या घटनेमध्ये विकासवाडी धानोरे येथे एस. के. इंजिनिअरिंग कंपनीच्या भिंतीच्या आडोशाला सिंकू नट ही महिला तिच्या ताब्यातील पाच हजार शंभर रुपये किमतीची गावठी हातभट्टी दारू विक्री करत असताना पोलिसांना आढळून आली.