आळंदीत साधला एकादशीचा मुहूर्त

आळंदी, ता. १५ : आळंदी नगर परिषद निवडणुकीसाठी एकूण ४२ नामनिर्देशन अर्ज इच्छुक उमेदवारांनी शनिवारी दाखल केले आहेत. खुल्या वर्गासाठी असलेल्या नगराध्यक्षपदासाठी ३ उमेदवार आणि सदस्यपदासाठी ३९ नामनिर्देशन दाखल केले आहेत, अशी माहिती निवडणूक निर्णय अधिकारी जयराज देशमुख यांनी दिली.
ऐनवेळी दगा फटका नको, यासाठी अनेक इच्छुक उमेदवारांनी अपक्ष आणि पक्षाचे नाव टाकून आपापले उमेदवारी अर्ज भरले आहेत. कोणत्याही राजकीय पक्षांनी उमेदवारी जाहीर केली नाही. त्यामुळे नेमके कोणाला तिकीट मिळणार, याची चर्चा आता शहरात होऊ लागले आहे. एकादशीचा मुहूर्त साधून बहुतांश उमेदवारांनी आपापले उमेदवारी अर्ज भरले.