डंपरची दुचाकीस धडक; चऱ्होलीतील तरुण जखमी

आळंदी,ता. ६: पाठीमागून येणाऱ्या डंपरची दुचाकीस धडक बसल्याने दुचाकी वरील ३२ वर्षे तरुणाच्या उजव्या हाताचा चेंदामेंदा झाला तर तोंडाला छातीला मुका मार लागला असून जखमी झाले आहेत. राजकुमार भानुदास बिराजदार (रा. चऱ्होली खुर्द, ता. खेड) असे जखमी झालेल्या तरुणाचे नाव आहे. तर डंपर चालकाने अपघात स्थळावरून पोबारा केला.
वडगाव रोड ते आळंदी रोड ठाकरवाडी चऱ्होली खुर्दमध्ये हा अपघात घडला. याबाबत फिर्याद शुक्रवारी (ता. ५) आळंदी पोलिस ठाण्यामध्ये बिराजदार यांनी दिली. आळंदी पोलिसांनी दिलेल्या माहितीनुसार, फिर्यादी बिराजदार हे त्यांच्याकडे दुचाकी (एम एच १२, जी एम ७६४) वरून जात असताना पाठीमागून येणारा डंपरची (एम एच १४, एल एक्स ९८९१) धडक बसली. यामध्ये फिर्यादी बिराजदार यांच्या उजव्या हाताचा चेंदामेंदा झाला. याप्रकरणी अज्ञात डंपर चालकावर आळंदी पोलिस ठाण्यात गुन्हा दाखल केला आहे.