आळंदीतून विवाहिता लहान मुलीसह बेपत्ता

आळंदी, ता. १८ : घरगुती भांडणातून आळंदीतून ३२ वर्षीय विवाहित महिला आपल्या पाच महिन्यांच्या मुलीसोबत बेपत्ता झाली.
ही घटना १३ जानेवारीला आळंदीतील निळे गल्ली येथे घडली. याबाबत फिर्याद महिलेच्या पतीने आळंदी पोलीस ठाण्यामध्ये शनिवारी(ता. १७) दाखल केली आहे. याबाबत आळंदी पोलिसांनी दिलेल्या माहितीनुसार, ३२ वर्षीय विवाहित महिला घरामध्ये असताना तिचा पती दारू पिण्यासाठी बाहेर गेला आणि परत दारू पिऊन आल्यानंतर तोंडाचा वास आला. या कारणावरून पत्नी घराबाहेर न सांगता मुली सोबत निघून गेले. त्यानंतर पुन्हा घरी आली नाही. त्यामुळे पतीने आळंदी पोलीस ठाण्यामध्ये पत्नी आणि पाच महिन्यांची मुलगी बेपत्ता झाल्याची तक्रार दिली. सदर महिला रंगाने गोरी असून, उंची पाच फूट आहे.