आळेफाटा, ता. ९ ः अहमदनगर-कल्याण या राष्ट्रीय महामार्गावरील लवणवाडी (ता. जुन्नर) या ठिकाणी दुचाकीला पिकअप टेम्पोने दिल्याने पाच जण ठार व एक जण गंभीर झाल्याची घटना मार्च महिन्यात घडली होती. त्यामुळे स्थानिक नागरिकांनी येथे रबरी गतिरोधक व अपघात प्रवण क्षेत्र फलक लावण्याची मागणी केली होती.महामार्गावर गतिरोधक बसवणे शक्य नसल्याने येथे अपघात प्रवण क्षेत्र असल्याचे बोर्ड लावले आहेत.
या ठिकाणी दोन्हीही बाजूने उतार असल्याने या जागेवर वारंवार अपघात झालेले आहेत. तसेच या ठिकाणी शाळा, दूध डेअरी, मंदिर लोकवस्ती असून नेहमीच गर्दी असते. त्यामुळे या जागेवर गतिरोधक बसवावा, अशी मागणी येथील ग्रामस्थांनी केली होती. महामार्गावर गतिरोधक बसवणे शक्य नसल्याने येथे अपघात प्रवण क्षेत्र असल्याचे फलक लावले आहेत. त्यामुळे वाहन चालकांनी काळजी घेणे गरजेचे आहे. तसेच महामार्गावर ज्या ठिकाणी अपघात जास्त होतात, तेथे लवकरच फलक लावण्याचे काम सुरू असल्याची माहिती कल्याण-नगर महामार्ग जि. एस ग्रुपचे मॅनेजर सतीश बागल यांनी दिली.
अहमदनगर-कल्याण महामार्गावरील आळेफाटा ते बेल्हे या ठिकाणी झाडांच्या फांद्या व झुडपे वाढली आहेत. ती काढण्यात यावीत व ज्या ठिकाणी वारंवार अपघात होत आहेत. त्या गतिरोधक किंवा पांढरे पट्टे मारावेत.
- बंटी कोकणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.