राजुरी येथे ८१२ शेतकऱ्यांची ई-पीक नोंदणी

आळेफाटा, ता. १३ : राजुरी (ता. जुन्नर) येथील ग्रामपंचायत आणि तलाठी कार्यालयाच्यावतीने पिकांची मोबाईल द्वारे ई-पीक पाहणी करण्याचा शुभारंभ करण्यात आला. यावेळी गावच्या सरपंच प्रिया हाडवळे, उपसरपंच माऊली शेळके, ग्रामपंचायत सदस्य शाकिर चौगुले, सखाराम गाडेकर,रंगनाथ पाटील औटी, संदीप औटी, अर्जुन हाडवळे, तलाठी धनाजीराव भोसले, ग्रामविकास अधिकारी शरद बाळसराफ, नामदेव घंगाळे, आसिफ पटेल उपस्थित होते.
शासन निर्देशानुसार प्रत्येक शेतकऱ्याने ई-पीक नोंदणी करणे बंधनकारक असून या पुढील सर्व अनुदान किंवा योजनांचा लाभ पीक पाहणी नोंदवली असेल तरच मिळणार आहे. तसेच सदर नोंदणी प्रक्रिया पूर्ण झाल्याने राजुरी गावातील शेतकऱ्यांना पीएम किसान योजना, नुकसान भरपाई, शासन अनुदान, सोसायटी कर्ज, बॅंक कर्ज, तसेच विविध शासकीय योजनांचा लाभ घेता येणार असल्याचे उपसरपंच माऊली शेळके यांनी सांगितले.
गावातील‌ प्रत्येक मळा, शिवार, वाड्या-वस्त्या या ठिकाणी ८१२ शेतकऱ्यांची ई-पीक पाहणी व नोंदणी करण्यात आली. यासाठी नितीन औटी, सचिन औटी, अनिल औटी, गणेश हाडवळे, मच्छिंद्र हाडवळे, नीलेश हाडवळे, राजेश कणसे, पांडुरंग औटी, स्वप्नील हाडवळे, राहुल हाडवळे, भाऊसाहेब औटी, पंकज गवळी, सुदाम औटी, सचिन गटकळ, शिवराज औटी यांनी सहकार्य केले.