आळेफाटामध्ये पोलिसांकडून पथसंचलन

आळेफाटा, ता. ११ : १३ मे २०२४ रोजी होणाऱ्या मतदानाच्या पार्श्वभूमीवर पुणे ग्रामीण पोलिस तसेच आळेफाटा पोलिसांकडून शुक्रवारी (ता. १०) पथसंचलन करण्यात आले. आळेफाटा पोलिस ठाण्याचे पोलिस निरिक्षक सतीष होडगर यांच्या मार्गदर्शनाखाली व सहाय्यक पोलिस निरीक्षक सुनील बडगुजर, अनिल पवार, रागिणी कराळे यांच्या नेतृत्वाखाली शुक्रवारी सायंकाळी पथसंचलन करण्यात आले. लोकसभा निवडणुकीच्या अनुषंगाने आळेफाटा पोलिस स्टेशन हद्दीतील आळे, आळेफाटा, राजुरी, बेल्हे आदी भागात हे पथसंचलन झाले.