बोरतील शेतकऱ्याने बनवले ऊस लागवडीचे अवजार

आळेफाटा, ता.१ : बोरी खुर्द (ता‌.जुन्नर) या परिसरातील शेतकरी शेतात नेहमीच वेगवेगळे प्रयोग करत असतात. असाच एक प्रयोग प्रगतशील शेतकरी संपत चिंचवडे यांनी केला आहे.
उसाची लागवड करत असताना सरीमध्ये उसाचे टिपरू टाकल्यानंतर त्यावर माती टाकावी लागते व या कामासाठी मजुरांची संख्या जास्त लागून खर्च देखील जास्त येत होता. यावर उपाय म्हणून चिंचवडे यांनी ऊस शेतकऱ्यांना दिलासा देणारे स्वयंचलित ऊस लागवडी दरम्यान ऊस कानडे गाडणारे यंत्र बनवले आहे. ज्या कामाला पाच ते सहा मजूर लागतात व तंत्र चालवण्यासाठी एकच मजूर लागतो. यामुळे चार ते पाच मजुरांची मजुरी वाचत आहे. यंत्रांची किंमत फक्त २२५० रुपये आहे.

बोरी खुर्द येथील संपत चिंचवडे यांनी ऊस लागवडीनंतर त्या बियाणांवर माती टाकण्याचे जे यंत्र बनवले आहे ते शेतकऱ्यांच्या दृष्टीने अतिशय फायदेशीर आहे.या यंत्रामुळे ऊस उत्पादक शेतकऱ्यांचा पैसा व वेळ दोन्हीही वाचणार आहे.
- राजश्री नरवडे, कृषी अधिकारी

06465