आळे येथे आंतरराष्ट्रीय योगा दिन साजरा

आळेफाटा, ता. २१ : आळे (ता. जुन्नर) येथील ज्ञानेश्वर ग्रामोन्नती मंडळ संचलित ज्ञान मंदिर हायस्कूल व कनिष्ठ महाविद्यालयामध्ये आंतरराष्ट्रीय योग दिनाच्या निमित्ताने योगासनांचे महत्त्व व योगा प्रात्यक्षिक यांचे आयोजन केले होते. यावेळी योगाचार्य प्रा. अरुण गुळवे यांनी मार्गदर्शन केले.
या कार्यक्रमात माध्यमिक व उच्च माध्यमिक विभागातील दोन हजारांपेक्षा जास्त विद्यार्थी व ७६ शिक्षकांनी सहभाग घेऊन योग प्रात्यक्षिके केली. जुन्नर पंचायत समिती सदस्य व संचालक जीवन शिंदे, शालेय समितीचे अध्यक्ष संपत गुंजाळ यांनी विद्यार्थ्यांना मार्गदर्शन केले. याप्रसंगी ज्ञानेश्वर ग्रामोन्नती मंडळाचे अध्यक्ष अजय कुऱ्हाडे उपाध्यक्ष, सौरभ डोके, सचिव अर्जुन पाडेकर, खजिनदार अरुण हुलवले, बाळासाहेब जाधव, भाऊ कुऱ्हाडे, उल्हास सहाणे, बबन सहाणे, बाबूराव कुऱ्हाडे, दिनेश सहाणे, कैलास शेळके, प्रदीप गुंजाळ, देविदास पाडेकर, सम्राट कुऱ्हाडे, रमेश कुऱ्हाडे, शांताराम कुऱ्हाडे आदी उपस्थित होते. मुख्याध्यापक संदीप स्वारी यांच्या मार्गदर्शनाखाली उपमुख्याध्यापक सुनील कोते, उपप्राचार्य सुरेश कुऱ्हाडे तसेच सर्व शिक्षकांनी आयोजन केले होते. क्रीडा शिक्षक संतोष शिंदे यांनी सूत्रसंचालन केले होते‌.