आंबा, स्ट्रॉबेरीच्या लागवडीबाबत नवलेवाडीत शेतकऱ्यांना मार्गदर्शन

आळेफाटा, ता.२४ : नवलेवाडी (ता. जुन्नर) येथे खरीप हंगाम पूर्व तयारी व केळी, गुलछडी, आंबा, स्ट्रॉबेरीच्या लागवडीबाबत शेतकऱ्यांना मार्गदर्शन करण्यात आले.
विकसित कृषी संकल्प अभियान अंतर्गत कृषी विभाग, कृषी विज्ञान नारायणगाव यांच्या संयुक्त विद्यमाने उपक्रमाचे नुकतेच आयोजन केले होते.
बीजप्रक्रिया , बुरशीनाशक, रासायनिक व जैविक बीज प्रक्रिया करावी, शेतामध्ये बियाणे पेरताना बीबीएफ यंत्राचा वापर करावा, असे आवाहन सहायक कृषी अधिकारी राजश्री नरवडे यांनी केले आहे.
प्रकाश नवले यांच्या शेतावर आयोजित कार्यक्रमात कृषी अधिकाऱ्यांतर्फे शेतकऱ्यांनाना मार्गदर्शन करण्यात आले. याप्रसंगी मंडळ कृषी अधिकारी शिवकांत कोल्हे, तालुका कृषी अधिकारी गणेश भोसले व इतर अनेक शेतकरी उपस्थित होते.
बेल्हे मंडल कार्यालयाअंतर्गत एकूण ३५ गावे असून यामध्ये अंदाजे ४५०० हेक्टर क्षेत्रावर पेरणी होणार असून त्यासाठी ३३७५ क्विंटल बियाणे बियाणे ची गरज असून सध्या शेतकऱ्यांकडे २६०० क्विंटल बियाणे उपलब्ध आहे. पेरणी पूर्वी बीजप्रक्रिया करताना एफआयआर पद्धतीने करावी म्हणजे अगोदर बुरशी नाशक, नंतर कीटकनाशक आणि त्यानंतर जैविक अशी तीन टप्प्यांत बीजप्रक्रिया तर बियाणे रोगमुक्त राहते व पीक जोमदार येते. सर्व कडधान्य पिके उडीद मूग या पिकांना देखील बीजप्रक्रिया केली तर उत्पन्नात वाढ होते, असे नरवडे यांनी सांगितले.

06587