उंचखडकमध्ये २६८ जनावरांची तपासणी

आळेफाटा, ता. ८ : उंचखडक (ता. जुन्नर) येथील श्री भैरवनाथ सहकारी दूध उत्पादक संस्थेमध्ये सुमारे २६८ जनावरांची
मोफत आरोग्य तपासणी करण्यात आली.
संस्थेने जुन्नर तालुक्यातील नळवणे, आणे, मंगरूळ, झापवाडी, बोरी जाधव मळा, पिंपळवंडी, गायमुख वाडी, मांजरवाडी, खोडद, हिवरे, आपटाळे, धालेवाडी, तांबे, आज नावळे, पारगावतर्फे मढ येथे जनावरांसाठी मोफत आरोग्य तपासणी शिबिराचे आयोजन केले असून, शिबिरांचा प्रारंभ उंचखडक येथून करण्यात आला.
उपमुख्यमंत्री अजित पवार व माजी आमदार अतुल बेनके यांच्या वाढदिवसाचे औचित्य साधून पुणे जिल्हा सहकारी उत्पादक संघ (कात्रज) यांच्या शिबिराचे आयोजन केले होते. यावेळी कात्रजचे माजी अध्यक्ष व विद्यमान संचालक बाळासाहेब खिल्लारी म्हणाले की, शेतीला जोडधंदा म्हणून दुग्ध व्यवसायाकडे पाहिले जाते. यामुळे दिवसेंदिवस शेतकरी मोठ्या प्रमाणावर या व्यवसायाकडे वळत आहेत.
यावेळी सरपंच अजय कणसे, वल्लभ शेळके, दूध संस्थेचे अध्यक्ष दगडू यादव, उपाध्यक्ष सुरेश कणसे, गंगाराम कणसे, अशोक कणसे, गणेश कणसे, मंगेश कणसे, योगेश कणसे, सुभाष कणसे, दत्तात्रेय कणसे,महादू कणसे, विठ्ठल कणसे, शिवाजी कणसे, प्रवीण कणसे, उत्तम मुळे, डॉ.लामखडे, डॉ.महेश जाधव, डॉ.संदेश कोबल, डॉ.श्रीरंग बढे, डॉ.अरविंद वंडेकर, विक्रम पानसरे, अजय पवार गावातील विविध संस्थांचे पदाधिकारी ग्रामस्थ, दूध गवळी उपस्थित होते.
शिबिरामध्ये जनावरांची रोग निदान करणे, गर्भ तसेच वांझ तपासणी, जंत व गोचीड निर्मूलन मोफत तपासणी करण्यात आली‌. यावेळी औषधांचे वाटप करण्यात आले.

कैलास हाडवळे यांनी सूत्रसंचालन तर माजी सरपंच आभार सुरेश कणसे यांनी आभार मानले.

06658