शाहीर मेळाव्यास आळेफाटा येथे प्रतिसाद

आळेफाटा, ता‌. ११ : ‘‘शासनाने कलगी तुरा, भेदिक लावणी महोत्सवाचे आयोजन करावे.’’ असे आवाहन शाहीर देवानंद माळी यांनी केले. आळेफाटा (ता. जुन्नर) येथील संत सावता महाराज देवस्थान ट्रस्ट आणि छत्रपती शिवराय कलगीतुरा भेदिक लावणी शाहीर संघटना यांच्या वतीने राज्यस्तरीय मेळावा घेण्यात आला. त्यावेळी ते बोलत होते.
याप्रसंगी देवस्थान ट्रस्टचे अध्यक्ष गणेश वाघमारे, विघ्नहर सहकारी साखर कारखान्याचे संचालक सुरेश गडगे, पंचायत समितीचे माजी सदस्य नेताजी डोके,वसंत जगताप, जालिंदर गागरे, उपसरपंच गणेश भुजबळ, सुरेश न. गडगे, अरविंद शिंदे, अशोक गडगे, सोमनाथ गडगे, शाहीर संघटनेचे संस्थापक विश्‍वास सोनवणे, नवनाथ काळे, मारुती भुजबळ, शिवाजी कवडे, रामदास गुंड, बाबूराव सोनवणे, प्रमोद गडगे, गणेश देवकर, प्रफुल्ल इथापे उपस्थित होते.
माळी म्हणाले, ‘‘राज्यात कलगीतुरा कलेच्या अनेक संघटना असून त्यांनी एकत्र येऊन शासनाकडे कलगीतुरा या भेदिक लावणी प्रकाराला शासकीय व्यासपीठ उपलब्ध करून देण्यासाठी तसेच शाहिरांचा राज्य पुरस्कार यादीमध्ये समावेश करावा अशी मागणी यावेळी करण्यात आली.’’
गणेश वाघमारे म्हणाले, ‘‘महाराष्ट्राची लोकसंस्कृती विविध लोककलांनी, विशेषतः भजन, कीर्तन, भारुड, पोवाडे, वाघ्यामुरळी आणि कलगीतुरा भेदिक लावणी यांनी समृद्ध आहे. ज्यांचा उपयोग जनजागृती आणि प्रबोधनासाठी केला जात असून कलगीतुरा भेदिक लावणी ही लोककला काळाच्या ओघात लोप पावत असल्याने, तिला पुनरुज्जीवित करण्यासाठी आणि शाहिरी कलावंतांना प्रोत्साहन देण्यासाठी राज्यस्तरीय शाहिरी मेळावा घेतला.’’
या मेळाव्यात एकूण ३५ कलगी तुरावाले शाहिरांनी धार्मिक, सामाजिक, ऐतिहासिक आणि इतर विषयांवर आधारित सादरीकरण केले. कार्यक्रमाचे नियोजन देवस्थान पदाधिकारी गणपत गडगे, शिवाजी शिंदे, प्रताप शिंदे, महेंद्र भुजबळ, गोपाळ फुलसुंदर, विनोद गडगे, सचिन गडगे यांनी नियोजन केले. सूत्रसंचालन शाहीर मारुती भुजबळ यांनी केले.