आळेफाटा येथे २६७ गाईंची विक्री

आळेफाटा, ता.११ : आळेफाटा (ता. जुन्नर) येथील कृषी उत्पन्न बाजार समितीत गुरुवारी (ता. ११) झालेल्या गाईंच्या बाजारात २६७ गाईंची विक्री झाली. यामुळे बाजारात ६३ लाख रुपयांची उलाढाल झाली, अशी माहिती बाजार समितीने दिली.
आळेफाटा येथील बाजारात पुणे, नाशिक, संगमनेर, अहिल्यानगर, शिरूर, आंबेगाव, ठाणे तसेच इतर ठिकाणाहून संकरित दुधाळ जातीच्या गाया विक्रीसाठी येत असतात. आठवड्यात भरलेल्या बाजारात २९५ संकरित गाया विक्रीसाठी आल्या होत्या. या आठवड्यात गाईंच्या किंमती उतारलेल्या असल्या तरी विक्रीचे प्रमाण देखील वाढलेले असून दुधाच्या दरात लिटर मागे एक रुपयांनी वाढले असले तरी दूध गवळ्यांनी नाराजी व्यक्त केली. पशुखाद्यांचे बाजारभाव दिवसेंदिवस वाढतच चालले असल्याने याचा फटका गाईंच्या खरेदी विक्रीवर होत असल्याची माहिती ज्ञानेश्वर कुऱ्हाडे, तान्हाजी कुऱ्हाडे, अमोल कुऱ्हाडे, संतोष कुऱ्हाडे, रोहिदास निमसे, किरण कुऱ्हाडे, सुमीत वर्पे, दिलीप शरमाळे, याकूब सोदागर, चाँद शेख, उस्मान शेख, हबीब शेख, महंमद यासिर, नि.कुरेशी, अकबर शेख, नन्हुभाई शेख, जब्बार शेख, सय्या शेख, जब्बार पठाण, रफिक शेख आदी या व्यापाऱ्यांनी सांगितले.