कांद्याच्या बाजारभावात आळेफाटा येथे घसरण

आळेफाटा, ता.२३ : जुन्नर कृषी उत्पन्न बाजार समितीच्या आळेफाटा येथील उपबाजार समितीत रविवारी (ता.२१) कांद्याची १४ हजार ८८८ गोण्यांची आवक झाली. बाजारात मोठ्या आकाराच्या एक नंबर गोळा कांद्यास दहा किलोस १५१ रुपये बाजारभाव मिळाला, अशी माहिती बाजार समितीच्या प्रशासनाने दिली. बाजारात कांद्याचे बाजारभाव घसरले

बाजारात सुपर एक नंबर कांद्यास दहा किलोस १३० ते १४०, सुपर मध्यम दोन नंबरला ११० ते १२०, तीन नंबरला ८० ते १०० तर चिंगळीला १० ते ६० रुपये बाजारभाव मिळाला. दरम्यान, कांद्याच्या एका किलोमागे दोन रुपयांनी उतरलेले असल्याची माहिती कांदा व्यापारी रामदास शिंदे, तान्हाजी कुऱ्हाडे, ज्ञानेश्वर गाढवे, शिवप्रसाद गोळवा, शरीफ पटेल,सचिन जाधव, संदीप लोढा, युवराज खोत, संतोष गांधी, भळगट मामा, पापा मोमीण, अरीफ पटेल यांनी दिली.