आळेफाटा येथे कांद्याच्या विक्रमी पिशव्यांची आवक

आळेफाटा, ता.४ : आळेफाटा (ता. जुन्नर) येथील उपबाजारात शुक्रवारी (ता.३) १४ हजार ३१ कांदा पिशव्यांची विक्रमी आवक झाली. बाजारात चांगल्याप्रतीच्या कांद्यास दहा किलोस १७५ रुपये बाजारभाव मिळाला.
उपबाजारात एक नंबर कांद्यास दहा किलोला १७५ रुपये बाजारभाव मिळाला. जुन्नर कृषी उत्पन्न बाजार समितीच्या आळेफाटा या ठिकाणी झालेल्या मोढयांत सुपर गोळा कांद्यास १५० ते १७५, एक नंबर कांद्यास १३० ते १५०, दोन नंबरला १२० ते १३०, तीन नंबरला ९० ते ११० तर बदला, चिंगळी कांद्यास १० ते ६० रुपये बाजारभाव मिळाला, अशी माहिती सभापती संजय काळे, उपसभापती प्रीतम काळे, सचीव रूपेश कवडे व्यवस्थापक दीपक म्हस्करे यांनी दिली.
दरम्यान, येथील बाजार समितीमध्ये शुक्रवारी कांद्याच्या बाजारभावात किलो मागे एक रुपयांनी वाढ झाली आहे. मात्र, मिळणारा हा बाजारभाव खूप कमी असून, यातून शेतकऱ्याचा झालेला खर्च देखील‌ फिटत नसल्याने कांदा उत्पादक शेतकरी अडचणीत आलेला दिसून येत आहे.