बोरी येथे आढळली तीन बिबट्यांची पिले
आळेफाटा, ता. ३ : बोरी बुद्रुक (ता.जुन्नर) येथील कैलास जाधव या शेतकऱ्याच्या शेतात सोमवारी (ता.३) सकाळी ऊसतोडणीचे काम सुरू होते. त्यावेळी मजुरांना अंदाजे दोन महिने वयाची तीन लहान बिबट्यांची पिल्ले आढळून आली. त्यांना पाहण्यासाठी ग्रामस्थांनी मोठी गर्दी केली होती.
याबाबत जाधव यांनी वनअधिकाऱ्यांना फोन करून बोलावले. घटनास्थळी वनपाल गणेश बागडे, वनरक्षक-महेश जगधने व ऋषिकेश गायकवाड यांनी पिल्लांना माणिक डोह येथील बिबट निवारण केंद्रात नेऊन सोडले आहे. दरम्यान, बिबट्याची पिल्ले आढळल्यानंतर ऊस तोडणी बंद केली आहे. कारण बिबट्यांची आई उसाच्या शेतात लपून बसली होती. तिच्या डरकाळ्यांचा आवाज येत होता. ती मजुरांवर हल्ला होण्याची शक्यता असल्याने वनविभागाने काळजी घेण्याचे आवाहन केले.
दरम्यान, वन विभागाने बिबट मादीला पकडण्यासाठी पिंजरा लावावा, अशी मागणी ग्रामस्थांनी केली आहे. राजुरी, बोरी बुद्रूक, साळवाडी तसेच आळे, वडगाव आनंद संतवाडी, कोळवाडी, उंचखडक ही गावे बिबट्य प्रवण क्षेत्रात मोडत असल्याने या परिसरात बिबट्याची मोठी दहशत आहे.
07279
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.