कांद्याच्या बाजारभावात आळेफाटा बाजारात वाढ

आळेफाटा, ता.१ : जुन्नर कृषी उत्पन्न बाजार समितीच्या आळेफाटा येथील उपबाजारात रविवारी (ता. ३०) १९ हजार ११६ कांदा पिशव्यांची आवक झाली. चांगल्या प्रतिच्या एक नंबर गोळा कांद्याच्या दहा किलोस २०१ रुपये बाजारभाव मिळाला. यावेळी कांद्याच्या बाजारभावात वाढ झाली.
बाजारात सुपर एक नंबर कांद्यास दहा किलोस १७० ते १९०, सुपर मध्यम कांदा दोन नंबरला १५० ते १७०, तीन नंबरला १३० ते १५० तर चिंगळी कांद्यास ५० ते १०० रुपये बाजार भाव मिळाला आहे. दरम्यान, बाजार समितीत रविवारी कांद्याचे बाजारभावात एका किलोमागे एक ते दोन रुपयांनी वाढलेले असल्याची माहिती बाजार समितीचे सभापती संजय काळे, उपसभापती प्रितम काळे तसेच कांदा व्यापारी रामदास शिंदे, तान्हाजी कुऱ्हाडे यांनी सांगितली.