आळेफाटा बाजारामध्ये कांद्याची विक्रमी आवक

आळेफाटा : ता. २० : जुन्नर कृषी उत्पन्न बाजार समितीच्या आळेफाटा येथील उपबाजारात शुक्रवारी (ता. १९) २९ हजार २५६ कांदा पिशव्यांची चालू वर्षातील विक्रमी आवक झाली. बाजारात एक नंबर कांद्यास दहा किलोस २७० रुपये बाजारभाव मिळाला.
बाजारात एक नंबर नवीन कांद्यास १०० ते २७०, एक नंबर सुपर गोळा जुन्या कांद्यास २४० ते २६० बाजारभाव मिळाला. एक नंबर सुपर कांद्यास १८० ते २३० रुपये बाजारभाव मिळाला. दोन नंबर मध्यम कांद्यास १६० ते १८०, तीन नंबर गोल्टीस ७० ते १५०, बदला कांद्यास ३० ते ८० बाजारभाव मिळाला आहे, अशी माहिती कृषी उत्पन्न बाजार समिती जुन्नरचे सभापती संजय काळे व माजी उपसभापती प्रीतम काळे यांनी दिली.
दरम्यान, सध्या बाजारात नवीन कांद्याची आवक वाढली आहे, असे कांदा व्यापारी व्यापारी रामदास शिंदे, तान्हाजी कुऱ्हाडे, संतोष गांधी, भळगट मामा, पापा मोमीन, अरीफ पटेल यांनी दिली.