नारायणगाव- पंढरपूर एसटी बससेवा सुरू

बेल्हे, ता. २९ : नारायणगाव ते पंढरपूर मुक्कामी एसटी बस सेवा, नुकतीच सुरू करण्यात आली आहे. ही एसटी बस नारायणगाव - आळेफाटा -बेल्हे- साकोरी- शिरूर- बारामतीमार्गे- पंढरपूरला मुक्कामी जाणार आहे. नारायणगाव- पंढरपूर मुक्कामी एसटी बस सेवा सुरू झाल्याने वारकरी व ग्रामस्थ मंडळींकडून समाधान व्यक्त केले जात आहे. ही एसटी बस दररोज सकाळी नऊ वाजता नारायणगाव वरून सुटते, तर पंढरपूर येथून सकाळी सात वाजता ही एसटी बस सुटते. ही एसटी बस सुरू झाल्याने वारकरी मंडळी व नागरिकांना पंढरपूरला विठ्ठल- रुक्मिणीच्या दर्शनासाठी जाणे सोयीचे झाले आहे.