प्रकल्प अधिकाऱ्यांवर विनयभंगप्रकरणी गुन्हा

आपटाळे, ता. १६ : एकात्मिक आदिवासी विकास प्रकल्प कार्यालय घोडेगावचे प्रकल्प अधिकारी प्रदीप बनाजीराव देसाई यांच्यावर त्यांच्याच खात्यात काम करणाऱ्या महिला कर्मचाऱ्यांकडून जुन्नर पोलिस ठाण्यात विनयभंगप्रकरणी मंगळवारी (ता. १६) गुन्हा दाखल करण्यात आला.
याबाबत संबंधित महिला कर्मचारी यांनी दिलेल्या फिर्यादीत म्हटले आहे की, प्रकल्पाधिकारी देसाई यांनी शाळेत तपासणीसाठी आल्यानंतर कर्मचाऱ्यांना धमकी देऊन महिला कर्मचाऱ्यांना लज्जा उत्पन्न होईल, अशा पद्धतीने वर्तन केले. त्यांनी जाणीवपूर्वक माझ्या कुटुंबाला त्रास देण्याच्या उद्देशाने प्रशासकीय कार्यवाही केली. या कारवाईच्या मागे त्यांचा हेतू हा जाणीवपूर्वक त्रास देणे असा होता. या प्रकरणाचा तपास पोलिस उपनिरीक्षक अरविंद गटकूळ करत आहे.