घाटघर येथे स्वच्छता अभियान

आपटाळे, ता. २८ ः अतिदुर्गम आदिवासी भागातील घाटघर (ता. जुन्नर) येथे ग्रामपंचायत प्रशासनाच्या वतीने स्वच्छता हीच सेवा या अभियानांतर्गत स्वच्छता मोहिमेचे आयोजन केल्याची माहिती सरपंच मनोहर नांगरे व ग्रामपंचायत अधिकारी रामदास जोशी यांनी दिली.
यावेळी ग्रामस्थ, महिला व जिल्हा परिषद प्राथमिक शाळेच्या विद्यार्थ्यांनी स्वच्छता मोहिमेत सहभाग घेतला. यावेळी ग्रामपंचायत परिसर, जिल्हा परिषद शाळा, प्राथमिक आरोग्य केंद्र, नाणेघाट परिसर आदी परिसराची स्वच्छता करण्यात आली. जिल्हा परिषद प्राथमिक शाळेचे शिक्षक प्रशांत लोखंडे यांनी ग्रामस्थ व विद्यार्थ्यांना स्वच्छतेचे व अभियानाचे महत्त्व सांगितले. यावेळी उपसरपंच सुमन आढारी, सदस्य गणेश रावते, मीनानाथ घुटे, सुनीता रावते, रामदास बुळे, काशिनाथ बुळे यांसह ग्रामस्थ व विद्यार्थी उपस्थित होते.

02722