जुन्नर येथे रविवारी आठवडे बाजार बंद

जुन्नर, ता. १८ : जुन्नर नगर परिषदेच्या पंचवार्षिक निवडणुकीच्या मतमोजणीची प्रक्रिया रविवारी (ता. २१) पार पडणार आहे. त्यामुळे या दिवशी भरणारा आठवडे बाजार बंद ठेवण्यात येणार आहे.
या संदर्भात पुणे जिल्ह्याचे जिल्हाधिकारी जितेंद्र डुडी यांनी गुरुवारी (ता. १८) आदेश पारित केला आहे. त्यानुसार शहरात भरणारा आठवडे बाजार बंद राहणार असून नागरिकांनी याची नोंद घ्यावी. शहरात मतमोजणीच्या दिवशी शांतता पाळावी, असे आवाहन पोलिस निरीक्षक किरण अवचर यांनी केले आहे. यासोबतच कृषी उत्पन्न बाजार समितीच्या आवारात होणारा कांदा लिलाव देखील बंद राहणार असल्याची माहिती सभापती ॲड. संजय काळे व सचिव रूपेश कवडे यांनी दिली.