मुसळधार पावसामुळे मुळशीत खाचरे तुडुंब

भुकूम, ता. २८ : मुळशी तालुक्यात दोन दिवसांपासून मुसळधार पाऊस पडत आहे. घोटावडे परिसरात शिवारातील ओढे, नाले यामधील पाणी येऊन खाचरे तुडूंब भरली आहेत.
तालुक्यातील धरणभागात २५० मिलिमीटर पावसाची नोंद झाली आहे. त्यामुळे मुळा नदीला पूर आला आहे. तसेच भात लावणीची कामे रखडली आहेत.
तालुक्याच्या पश्चिम भागात जोरदार पाऊस पडत आहे. त्यामुळे मुळशी धरण ८७ टक्के भरले. धरणातातून १२ हजार क्यूसेस पाणी सोडण्यात आल्यामुळे मुठा नदीला पूर आला. घोटावडे येथे पाणी शिवारात शिरले होते. दरम्यान, नदी काठच्या नागरिकांना सतर्कतेचा इशारा देण्यात आला.
. बांध व सांडव्यावरून मोठे पाणी वाहू लागल्यामुळे भात लावणी करता येत नाही. त्यामुळे दोन दिवसा पासून खलाटीच्या भागातील भात लावणी रखडली असल्याचे पिंपोळी येथील शेतकरी माणिक शिंदे यांनी सांगितले. दरम्यान पावसाचा जोर आगामी काही दिवस राहील असे वातावरण आहे.

02614