भुकूमच्या केंद्रात मिळतेय योग्य सेवा

राजेंद्र मारणे
भुकूम : मुळशी तालुक्यातील भुकूम येथे लोकवस्ती मोठी वाढली आहे. गावाचे शहरीकरण होत आहे. अशा परिस्थितीत शासकीय आरोग्य केंद्राची सेवा ग्रामस्थांना चांगली मिळत आहे.
येथील लोकवस्ती वाढलेले नागरिक खासगी सेवेकडे जास्त जातात. उपकेंद्रात प्रामुख्याने स्थानिक ग्रामस्थ उपचारासाठी असतात. येथील उपकेंद्रात चार कर्मचारी असून सहा आशा वर्कर आहेत. सकाळी दहा ते दुपारी एक वाजेपर्यंत ओपीडी असते. दुपारी दोन वाजल्यानंतर व्हिजिटसाठी जावे लागते असे येथील समुदाय अधिकारी स्वाती गाडे यांनी सांगितले. भुकूम येथील वाड्या व लवळे गावासाठी उपकेंद्र असून मुख्य आरोग्य केंद्र मुठा आहे. येथे चांगली सेवा मिळाली आहे असे रुग्ण तुकाराम घारमळकर यांनी सांगितले. दरम्यान, येथील काही कर्मचारी वेळेत येत नाहीत. कामाच्या वेळेत काही वेळा जागेवर नसतात. उशिरा येत असतात असे एका ग्रामस्थाने सांगितले. दरम्यान, आरोग्य उपकेंद्राच्या सभोवती वृक्षारोपण करून फळझाडे लावली आहेत. परिसरात ग्रामपंचायतीने केलेले वृक्षारोपणाची झाडे उपकेंद्र संगोपन करते.