भिगवणच्या रोटरी अध्यक्षपदी बोगावत

भिगवण, ता. २८ : येथील रोटरी क्लब ऑफ भिगवणच्या अध्यक्षपदी निखिल बोगावत यांची तर सचिवपदी कुलदीपक ननवरे-पाटील यांची निवड झाली. रोटरीच्या नूतन पदाधिकाऱ्यांचा पदग्रहण समारंभ नुकताच पार पडला.
यावेळी माजी अध्यक्ष संतोष सवाणे यांनी अध्यक्षपदाची सूत्रे निखिल बोगावत यांना तर संजय रायसोनी यांनी सचिवपदाची सूत्रे कुलदीप ननवरे यांना सोपविली. तसेच अजिंक्य माडगे, दत्तात्रेय पाचांगणे, संदीप वाकसे, भावेश धवडे, विशाल पटेल यांना रोटरी क्लबचे सदस्यत्व देण्यात आले. याप्रसंगी प्रमुख पाहुणे म्हणून रोटरी क्लबचे डिस्ट्रीक्ट गव्हर्नर नितीन ढमाले, भिगवण पोलिस ठाण्याचे सहाय्यक पोलिस निरीक्षक विनोद महांगडे, नरेंद्र गांधी, अतुल कुलकर्णी, सचिन बोगावत व रोटरी क्लबचे पदाधिकारी उपस्थित होते.
दरम्यान, रोटरी क्लब हा सामाजिक कार्याचा वस्तुपाठ असून सहभागी सदस्यांनी वंचितांच्या उद्धारासाठी सतत प्रयत्न करण्याचे आवाहन ढमाले यांनी केले. त्यानंतर सचिन बोगावत, महेश शेंडगे, निखिल बोगावत यांनी मनोगत व्यक्त केले. कार्यक्रमाचे प्रास्ताविक संतोष सवाणे यांनी केले. रणजित भोंगळे यांनी सूत्रसंचालन केले. प्रवीण वाघ यांनी आभार मानले.

भिगवण रोटरीची नूतन कार्यकारिणी :
अध्यक्ष निखिल बोगावत, उपाध्यक्ष प्रवीण वाघ, सचिव कुलदीपक ननवरे-पाटील, खजिनदार किरण रायसोनी, संचालक रणजित भोंगळे, रियाज शेख, संपत बंडगर, संजय चौधरी, संजय खाडे, डॉ. अमोल खानावरे, तुषार क्षीरसगार, कमलेश गांधी, नामदेव कुदळे, माया झोळ, डॉ. महेश गाढवे, डॉ. ज्ञानेश्‍वर रेणूकर, प्रदीप वाकसे, प्रदीप ताटे, श्याम सातर्ले, अफझल सय्यद व औदुंबर हुलगे.