सारथी सोशल फाउंडेशनतर्फे गुणवंतांना शैक्षणिक साहित्य

भोर, ता २६ : तालुक्याच्या आंबवडे खोऱ्यातील सहा शाळांमधील विद्यार्थ्यांना पुण्यातील सारथी सोशल फाउंडेशनच्या वतीने शैक्षणिक साहित्याचे वाटप करण्यात आले. यामध्ये विद्यार्थ्यांना दप्तर, वह्या, पेन्सिल, पट्टी व खाऊचा समावेश आहे. आंबवडे खोऱ्यातील वडतुंबी, धोंडेवाडी, म्हाकोशी, माळवाडी, नाझरे व रायरेश्वर येथील जिल्हा परिषदेच्या प्राथमिक शाळेतील गरजू आणि गुणवंत १५० विद्यार्थ्यांना याचा लाभ मिळाला.
सारथी सोशल फाउंडेशनचे ऋषिकेश भोसले आणि वडतुंबी (ता. भोर) गावातील सामाजिक कारकर्ते भास्कर जेधे यांच्या हस्ते शैक्षणिक साहित्याचे वाटप केले. यावेळी भोर तालुका प्राथमिक शिक्षक संघटनेचे अध्यक्ष सुदाम आंबळे, मुख्याध्यापक सखाराम वागराळकर, राजू साळेकर, जगदीश सुतार आदी मान्यवर उपस्थित होते. या उपक्रमात दूर्वांकुर डेव्हलपरचे रोहन काकडे, स्वामी समर्थ ग्रुपचे सदस्य नितीन बारगजे, मयूर काकडे, हर्षद काकडे, विजय ग्रुप सिक्युरिटी सर्विसचे प्रथमेश काकडे, ओम काकडे, शिवम भोसले, शुभम गाढवे, प्रतीक काकडे, विकी काकडे, हर्षद भोसले आदींनी सहकार्य केले.
पावसाळ्याच्या दिवसात विद्यार्थ्यांना साहित्य मिळाल्यामुळे शाळेत येताना होणारा त्रास कमी होणार असल्याचे पालकांनी सांगितले. विद्यार्थ्यांना शालेय साहित्य दिल्याबद्दल सर्व शाळांच्या मुख्याध्यापकांनी सारथी सोशल फाउंडेशनचे आभार मानले.