पोक्सो कायद्याविषयी उत्रौलीत मार्गदर्शन

भोर, ता. ५ : उत्रौली (ता. भोर) येथील जिल्हा परिषदेच्या प्राथमिक शाळेत मंगळवारी (ता. ३०) बालकांसाठी बालस्नेही विधी सेवा व त्यांचे संरक्षण (पोक्सो) योजना २०२४ यासंदर्भात मार्गदर्शन करण्यात आले. या कार्यक्रमाचे आयोजन पुणे जिल्हा विधी सेवा प्राधिकरण, तालुका विधी समिती व भोर वकील संघटना यांच्या वतीने केले.
या उपक्रमाचा २१९ विद्यार्थ्यांनी लाभ घेतला. या कार्यक्रमात दिवाणी न्यायालयाचे सह न्यायाधीश शशांक शिरसाट यांनी विद्यार्थ्यांना मार्गदर्शन केले. तसेच, वकील संघटनेचे अध्यक्ष ॲड. संतोष बाठे यांनी बालकांचे हक्क कायदा, विधीज्ञ ॲड. विजय दामगुडे आणि विधीज्ञ ॲड. शिवाजी पांगारे यांनी पोक्सो कायद्यासंदर्भातील माहिती दिली.
यावेळी सॉलिसिटर प्रसाद शिंदे, मुख्याध्यापिका सविता चोरघे, संगीता पापळ, अमर उभे, शालेय व्यवस्थापन समितीचे अध्यक्ष रूपेश शिवतरे, सदस्य सागर कुंभार, अशोक शेटे, विजय शिवतरे, राजेंद्र शेटे, कांताराम शिवतरे, दत्तात्रेय शिवतरे, न्यायालयीन कर्मचारी कैलास आखाडे, राजेंद्र मुगडे आदी उपस्थित होते. विठ्ठल दानवले यांनी सूत्रसंचालन केले, तर रवींद्र एडवे यांनी आभार मानले.