बुरजुनी घटनेचे बारामतीत उमटले पडसाद

बारामती, ता. १७ : नांदेड जिल्ह्यातील बुरजुनी गावात दलित युवक प्रेमप्रकरणात प्रेमीयुगुलाची धिंड काढत त्यांना विहिरीत ढकलून खून प्रकरणाचे बारामतीतही पडसाद उमटले.
या घटनेचे छायाचित्रण समाजमाध्यमांवर प्रसारित झाल्यामुळे बहुजन समाजातील कार्यकर्त्यांनी रस्त्यावर उतरून या घटनेच्या विरोधात भिगवण चौकात बुधवारी (ता. १७) आंदोलन करत निषेध नोंदविला.
आंदोलनाचे नियोजन सोमनाथ पाटोळे, केदार पाटोळे, अनिकेत मोहिते, किरण बोराडे, विजय खरात, सुनील शिंदे, साधू बल्लाळ आदींनी केले. प्रत्येकाला इच्छेनुसार जोडीदार निवडण्याचा संविधानिक अधिकाराला पायदळी तुडविण्याच्या या कृत्याचा निषेध करण्यासाठी हे आंदोलन केले.
यावेळी काळुराम चौधरी, बिरजू मांढरे, ॲड. सोमनाथ पाटोळे, केदार पाटोळे, अनिकेत मोहिते, मंगलदास निकाळजे, साधू बल्लाळ, बापू शेंडगे, आरती शेंडगे-गव्हाळे, सुनील शिंदे, पप्पू भिसे, सूरज खंडाळे, ओंकार जाधव, विशाल जाधव, शुभम अहिवळे, फैय्याज शेख, ॲड. करीम बागवान आदींनी मनोगत व्यक्त करत घटनेचा निषेध केला. विजय खरात, किरण बोराडे, अभिजित चव्हाण, नीलेश जाधव, विजय तेलंगे, लहुजी जाधव, सचिन मांढरे, कैलास सकट, विशाल खंडाळे अनिल लांडगे, विक्रम लांडगे, रत्नप्रभा साबळे, पिंकी मोरे उपस्थित होते.