बारामतीच्या एम्समध्ये शिक्षकांसाठी कार्यशाळा

बारामती, ता. २९ : येथील अनेकांत इन्स्टिट्यूट ऑफ मॅनेजमेंट स्टडीज (एम्स) येथे अमेरिकेतील ऍडीझेस इन्स्टिट्यूटचे वरिष्ठ सल्लागार श्रीधर थोडा यांनी शिक्षकांसाठी मेडिटेशन कार्यशाळा घेतली. ही अमेरिकेतील अग्रगण्य व्यावसायिक सल्लागार संस्थांपैकी एक आहे.
थोडा हे प्रशिक्षण आणि संघटनात्मक बदलाचे कार्यक्रम आयोजित करतात. तसेच, ते श्री हार्टफुलनेस इन्स्टिट्यूट ऑफ लीडरशिप संस्थेमध्ये प्रशिक्षक आहेत. गुणवंत लोकांना आकर्षित करून टिकवून ठेवणे, चांगले आर्थिक परतावे मिळवणे आणि कंपनीचा बाजारपेठेत ठसा उमटवणे याविषयी ते मार्गदर्शन करतात. एम्समधील शिक्षकांना दिलेल्या या प्रशिक्षणात त्यांनी शिक्षण क्षेत्रात शांतता व संतुलन कसे राखावे याबाबत त्यांनी माहिती दिली. अनेकांत एज्युकेशन सोसायटीचे अध्यक्ष जवाहर शहा (वाघोलीकर), सचिव मिलिंद शहा (वाघोलीकर), एम्सचे सचिव डॉ. हर्षवर्धन व्होरा यांच्या मार्गदर्शनाखाली एम्सचे संचालक डॉ. डी. बी. बागूल, सहाय्यक प्राध्यापक डॉ. डी. पी. मोरे यांनी परिश्रम घेतले.