अनेकांतच्या दोघांना आंतरराष्ट्रीय स्तरावर यश

बारामती, ता. १४ : येथील अनेकांत इंग्लिश मीडियम स्कूलचा विद्यार्थी शिवराज कुंडलकर याने थायलंड येथे झालेल्या तबलावादन स्पर्धेत सुवर्णपदक मिळवीत प्रथम क्रमांकाचा चषक तर अभिराज कुलकर्णी याने द्वितीय क्रमांक पटकाविला.
थायलंडमधील बुराफा विद्यापीठात ही स्पर्धा अखिल भारतीय सांस्कृतिक संघ व बुराफा विद्यापीठाच्या वतीने नुकतीच आयोजित केली होती. त्याच्या कौशल्याची दखल घेत विद्यापीठाने शिवराजला स्टार गोल्ड ॲवॉर्ड प्रदान केले. याच स्पर्धेत या शाळेचा विद्यार्थी अभिराज कुलकर्णी यानेही द्वितीय क्रमांक मिळविला. संगीत शिक्षक अक्षय शिंदे यांनी या दोन्ही तबलावादकांना मार्गदर्शन केले. संस्थेचे अध्यक्ष व इतर मान्यवरांनी या दोन्हीही तबलावादकांचे अभिनंदन केले.