बारामतीतील मॅरेथॉनमध्ये धावले ३०० विद्यार्थी

बारामती, ता. १८ : येथील विद्या प्रतिष्ठान इंग्लिश मीडियम स्कूलमध्ये (सीबीएसई) स्टेम मॅरेथॉनचे आयोजन केले होते. या मॅरेथॉनचे उद्‍घाटन इस्रोचे समन्वयक डॉ. कार्तिक नागराजन यांनी केले. बारामती परिसरातील २२ शाळांतील ३०० विद्यार्थी यात सहभागी झाले होते.
स्टेम उपक्रमाअंतर्गत भौतिकशास्त्र, जीवशास्त्र, विज्ञान, खेळ, जिओजेब्रा, आहारशास्त्र, रसायनशास्त्र, बुद्ध्यांक आणि आरोग्य, कॅनवा, रोबोटिक कार्यशाळा, पेपर रिसायकलिंग उपक्रम, कौशल्याधिष्ठित प्रयोगशाळा, गणित मॅरेथॉन, पेपर प्रेझेंटेशन, रुबीनॉक्स, मूर्ती बनविणे, पुस्तक प्रदर्शन आदी उपक्रमांचे आयोजन केले होते.
याप्रसंगी संस्थेचे उपाध्यक्ष ॲड. अशोक प्रभुणे, खजिनदार युगेंद्र पवार, सचिव ॲड. नीलिमा गुजर, रजिस्ट्रार श्रीश कंभोज, विश्वस्त डॉ. राजीव शहा, पालक शिक्षक संघाचे उपाध्यक्ष स्वप्नील काशीद उपस्थित होते. यावेळी पेपर प्रेझेंटेशन, विज्ञान प्रदर्शन, रुबीनॉक्स स्पर्धेमध्ये विजेत्या स्पर्धकांना बक्षीस देऊन गौरविण्यात आले. जावेद शेख, विपिन गावंडे, सदाशिव बेलपत्रे, विशाल कांबळे यांनी स्पर्धेकरिता परीक्षक म्हणून काम पाहिले. समन्वयक म्हणून वसुंधरा महाडीक यांनी भूमिका पार पाडली. प्राचार्या राधा कोरे यांनी मार्गदर्शन केले.