तालुकास्तरीय वक्तृत्व स्पर्धेचे बारामतीत आयोजन

बारामती, ता. १३ : बारामतीतील धों. आ. सातव (कारभारी) माध्यमिक विद्यालयात यंदाही कारभारी स्मृती चषक तालुकास्तरीय वक्तृत्व स्पर्धेचे आयोजन करण्यात आले आहे, याबाबतची माहिती प्राचार्य जी. आर. गवळी यांनी दिली. ही स्पर्धा २ व ३ जानेवारीला दोन गटात होणार आहे. लहान गटासाठी (पाचवी ते सातवी) वारस आम्ही शिवरायांचे करू जतन गडकिल्ल्यांचे, नागरी वस्तीतील बिबट्यांचा वावर - एक समस्या, ‘माझे संविधान, माझा अभिमान’, बदलते ऋतुचक्र, स्वच्छता, विकास आणि पर्यटनाचे बारामती मॉडेल हे विषय असणार आहेत. तर, मोठ्या गटासाठी (आठवी ते दहावी) मला समजलेले ‘ऑपरेशन सिंदूर’, महाराष्ट्रात पुरोगामी विचारांची गरज, ‘संयम’ - व्यक्तिमत्त्वाचा अनमोल पैलू, तिसऱ्या कृषिक्रांतीची सुरूवात बारामतीपासून, महान शास्त्रज्ञ : डॉ. अनिल काकोडकर हे विषय असतील. या स्पर्धेसंबंधी अधिक माहितीसाठी एस. जे. खरात यांच्याशी संपर्क साधण्याचे आवाहन करण्यात आले आहे.