भाजपच्या कार्यकर्त्यांवर बारामतीत गुन्हे दाखल

बारामती, ता. १५ : नगरपरिषद निवडणुकीची आचारसंहिता लागू असताना, तसेच पोलिसांनी आंदोलनास परवानगी नाकारलेली असतानाही आंदोलन केल्याप्रकरणी बारामती शहर पोलिसांनी भाजप युवा मोर्चाच्या सोळा जणांविरुद्ध गुन्हा दाखल केला.
उपमुख्यमंत्री अजित पवार यांच्या निवासस्थानाबाहेर आंदोलन केल्याप्रकरणी ही कारवाई पोलिसांनी केली आहे. या प्रकरणी नगरपरिषदेचे अधिकारी पद्मनाभ कुल्लरवार यांनी शहर पोलिसात फिर्याद दिली आहे. त्यावरून पोलिसांनी वैभव बापूराव सोलनकर (बारामती), सचिन बाळू उभे (रा. पिरंगुट, ता. मुळशी), शुभम कालीदास रणनवरे (रा. पुरंदर), संदिप भिवा केसकर (बारामती), ओंकार रेपन्ना कडडे (रा. दौंड), नीलेश भाउसाहेब लांडगे, (रा. मुळशी), आबासाहेब हनुमंत थोरात (रा. इंदापूर), परशुराम बाळासाहेब ताकुंदे (रा. वारजे), बापूराव हनुमंत शिंदे (रा. चांदापुरी, ता. माळशिरस), सोपान मधुकर बागडे,(रा. मुळशी), जयराम शिंदे ( रा. चांदापुरी, ता. माळशिरस), इतर चार अनोळखी लोकांविरूद्ध गुन्हा दाखल केला आहे.